Tua O Te Pare

Ko te aiteanga o Te Pare ko ia oki, e ngai ngaro, e ngai nooanga no te tangata.

I te tuatau mua kua tupu tetai tamakianga nui i rotopu i a Takaue e Atiu. Kua karanga te taura Atua ki a Maaro kia apai i te iti tangnata o Takaue ki Te Pare no te mea e ngai mako te reira i te tapupuni. Kua ano atu a Maaro i te tiki.  Kare i roa i muri mai, kua ano mai te au matakeinanga e toru o Atiu ko ia a Ngati Nurau, Ngati Teakatauira e Ngati Paruarangi.  Ko Ngai Nurau na te tua katau o te enua a ia i te aere.  Ko Ngati Teakatauira na te tua kaui, e ka na rotopu a Ngati Paruarangi.  Kua kake a Takeremarama ki runga i te pooki i kitea ai a Te Pare. I te tae mai anga a Ngati Paruarangi ki rotopu i te enua, kua ano mai a Maaro, e kua ta katoatoa i a Ngati Paruarangi. Kua tomo mai a Ngati Nurau e Ngati Teakatauira ki roto i Te Pare kua ta katoatoa i te iti tangata o Mitiaro ko ia te iti tangata o Takaue.  E ko Maaro, kua pati a ia ki tana nga potiki kia ta i a ia.  Ko teia nga potiki ko ia a Teaomarama e Nukuiva. Kua ora raua no te mea kua tapupuni atu raua ki roto i te vai ana ta to raua metua ko Maaro i poroki ki a raua, ko ia oki ko te vai-ta-ma-roa i te itinga o te enua.